sedat önal amérikaliq mensepdishi wéndi shérman bilen körüshti

türkiye awazi radiyosi xewiri: tashqi ishlar ministirliqi teripidin élan qilinghan yazma bayanatta, sedat onal bilen shérmanning paytext enqerede körüshkenliki bildürüldi.

bayanatta, özara munasiwet, ukraina we rayon mesilisi muzakire qilinghanliqini bildürülüp, «uchrishishta ikki dölet hemkarliqining sijilliqqa ige qilinishi we sistémilashqan bir diyalog arqiliq téximu chongqurlashturushqa dair ortaq irada mueyyenleshtürüldi. gerche bezi mesililerde pikir oxshimasliqi bolsimu türkiye bilen amérikaning iqtisadiy we soda munasiwetliri, térorluqqa qarshi küresh, herbiy/ mudapie hemkarliqi qatarliq keng dairilik we ijabiy küntertiplirining barliqi tekitlendi» déyildi.

bayanatta yene  mundaq déyildi:

«ukrainagha mesiliside, rusiyening (24-féwraldin buyan) ukrainagha qaratqan hujumigha reddiye bildürgenlikimiz we bu qobul qilghusiz hujumning toxtitilishi kérekliki heqqide chaqiriq élan qilghanliqimiz jezmleshtürüldi. türkiye bilen amérikaning ukrainaning igilik hoquqi we zémin pütünlükini qollaydighanliqi mueyyenleshtürülüp, kirizisning köp tereplimilik tesirini kontirol qilish we diplomatik hel qilish charisini qollash üchün yéqindin maslishishning muhimliqi tekitlendi»

jumhur reislik bayanatchisi ibrahim kalin amérikaning muawin tashqi ishlar ministiri wéndi shérman bilen tünügün istanbulda körüshken idi.