chawushughlu bilen kuléba ukrainaning nöwettiki weziyitini muzakire qildi
türkiye tashqi ishlar ministiri mewlüt chawushoghlu ukraina tashqi ishlar ministiri dmiytro kuléba bilen téléfonda körüshti.
türkiye awazi radiyosi xewiri: tashqi ishlar ministirliqining melumatlirigha qarighanda, ministir mewlüt chawushoghlu bilen ukraina tashqi ishlar ministiri kuléba téléfonda körüshüp, ukrainaning nöwettiki weziyitini muzakire qilghan.
körüshüshte, mewlüt chawushoghlu rusiye bilen ukrainaning puqralarni tarqaqlashturush üchün rayonluq sewiyede bolsimu insaniy karidor tesis qilish mesiliside pikir birliki hasil qilghanliqidin türkiyening memnunluq hés qilinghanliqini bildürdi.
u mezkur karidorning puqralarni tarqaqlashturush imkaniyiti yaritip béripla qalmastin yene, bu rayonlargha insanperwerlik yardemliri yetküzüshni asanlashturup béridighanliqini qeyt qildi.
ukraina-rusiye heyetliri tünügün (2022-yili 3-mart) ikkinchi qétimliq körüshüshni emelge ashurghan bolup, puqralarni tarqaqlashturushta rayonluq insaniy karidor tesis qilish mesiliside pikir birliki hasil qilghan idi.
