zélénskiy erdoghangha teshekkür éytti

türkiye awazi radiyosi xewiri: jumhur reislik uchur-alaqe idarisi erdoghanning ukraina pirézidénti zélénskiy bilen téléfonda körüshkenliki toghrisida bayanat élan qildi.

bayanatta, ikki rehberning körüshüshide, rusiyening atalmish donétsk we luxansktin ibaret ikki jumhuriyetni étirap qilish qarari muzakire qilinghanliqi bildürüldi.

körüshüshning erdoghanning sénégaldiki ziyariti jeryanida emelge ashqanliqi eskertilgen bayanatta, donétskning nöwettiki weziyiti we rusiye fédératsiye kéngishining yighinida élan qilinghan qararlarning muzakire qilinghanliqi eskertildi.

rejep tayyip erdoghan türkiyening tashqi ishlar ministirliqi élan qilghan bayanat bilen meydanini namayan qilghanliqini tekitlep, putinning atalmish jumhuriyetlerni étirap qilishini qobul qilghili bolmaydighanliqini eskertti.

u ukrainaning zémin pütünlükige ziyan salidighan her qandaq qarargha qarshi ikenliklirini, mesilining hel qilinishi üchün xelqarada diplomatiyening barliq imkaniyetliridin paydilinish kéreklikini tekitlidi.

ukraina pirézidénti zélénskiy twittérda bu qétimqi körüshüshke munasiwetlik uchur hembehirlidi.

u: «rusiyening ighwagerchiliklirige qarshi ukrainani qollighanliqi üchün jumhur reis rejep tayyip erdoghangha teshekkür éyttim» dédi.

u uchurida yene, erdoghangha b d t xewpsizlik kéngishi, türkiye we gérmaniyening birleshme yighin échish teklipini qobul qilghanliqi üchün teshekkür éytqanliqini bildürdi.