ibrahim kalin rusiye-ukraina krizisi heqqide muhim söz qildi

türkiye awazi radiyosi xewiri: ibrahim kalin 7-nöwetlik uskudar kitab yermenkisining échilish murasimidin kéyin, muxbirlarning kün tertipke alaqidar soallirigha jawab berdi.

ibrahim kalin jumhur reis erdoghanning aldinqi küni shimaliy atlantik ehdi teshkilati bash katipi jéns stolténbérg bilen élip barghan uchrishishi üstide toxtilip, türkiyening rusiye-ukraina jiddiylikidiki muhim rolini tekitlidi.

ibrahim kalin jumhur reis erdoghanning rusiye - ukraina krizisidiki tirishchanliqining dawam qiliwatqanliqini tekitlep mundaq dédi:

«jumhur reismizning rusiye we ukraina rehberlirini bir yerge jem qilish tekliwi eslide bu krizisni hel qilishqa qarita eng mohim we eng konkrét tekliptur. buni fizikiliq jehettin yaki bashqa usullar bilen qilish üchün jumhur reisimizning tirishchanliqliri dawamlashmaqta. yéqinda qilghan ukraina ziyaritide bu heqte (prézidént wiladimir) zélénskiy bilen söhbetleshti. shuning birge yene (rusiye pirézidénti wiladimir putin bilenmu élip barghan uchrishishliri we téléfon söhbetliride bu mesilini küntertipke élip keldi. öz nöwitide yene, hörmetlik putinning türkiye ziyaritige munasiwetlik teyyarliqlirimizmu dawamlashmaqta. biz bu mesile heqqide rusiyelik mensepdashlirimiz bilen alaqilishiwatimiz. ukraina mesilisini hel qilish üchün diyalog we diplomatiyening aldinqi orungha qoyulishi we jiddiylikni peseytish üchün öz-ara ziddiyetni peseytish qedemlirining tashlinishi kérek. bu jehette türkiye öz mejburiyitini ada qilishni dawamlashturidu. bügünge qeder biz bu mesilning, krizis we jiddiylikning muzakire, diyalog we hemkarliq yoli bilen hel qilinishini telqin qilip kelduq. biz buni yene dawamlashturimiz»