ibrahim kalin amérika dölet bixeterlik meslihetchisi bilen körüshti
jumhur reislik bayanatchisi ibrahim kalin amérika dölet bixeterlik meslihetchisi jék sulliwan bilen téléfonda körüshti.
1771899
türkiye awazi radiyosi xewiri: téléfon söhbitide, bolupmu siyasiy, iqtisadiy we mudapie mesililiri qatarliq ikki tereplik munasiwetler muzakire qilindi. buningdin bashqa yene, rousiye-ukraina krizisi, türkiye-erméniye munasiwitining normallishish musapisi we bashqa rayon xaraktérliq mesililermu muzakire qilindi.
söhbet jeryanida, ikki dölet otturisida emeliyetchil, pilanliq we sijil bir diyalogni kapaletke ige qilidighan méxanizimni baldurraq yolgha qoyushning muhimliqi eskertildi.
ibrahim kalin söhbette yene, türkiyening shimaliy atlantik ehdi teshkilatining ittipaqdishi bolush süpiti bilen ukraina krizisining hel qilinishi üchün her türlük yardemlerni qilishni dawamlashturidighanliqini tekitlidi.
