yawropaliqlar bilen erebler chach köchürüsh üchün hemmidin bek türkiyeni tallimaqta
chach köchürüsh üchün türkiyeni tallighanlarning 70% i yawropadin we 30% i ereb dunyasidin kelmekte.
türkiye awazi radiyosi xewiri: türkiye sehiye sayahiti jemiyiti (TÜSATDER) ning reisi serwet terziler yéqinqi 10 yilda türkiyede sehiye sayahitining zor tereqqiyatqa érishkenlikini éytti.
serwet terziler 2010 - yildin bashlap türkiyege, bolupmu chach köchürüshke kélidighanlarning zor derijide ashqanliqini bildürüp, ereb xéridarlirining türkiyede tunji bolup chach köchürüshni tallighanliqini, andin yawropaliqlarningmu ijabiy netijidin xewer tépip, téximu bek qiziqishqa bashlighanliqini éytti.
serwet terziler yawropaliq xéridarlarningmu türkiyede chach köchürüshke intayin ishinidighanliqini shunga bezide 5 yaki 10 kishilik guruppa sheklide türkiyege kélip dawalinidighanliqini tekitlep: «bu nisbetke qaraydighan bolsaq, chach köchürüshke kelgenlerning 70% ning yawropadin we 30% ning ereb dunyasidin ikenlikini ksip éytalaymiz» dédi.
2022 - we 2023 - yillarning türkiye sehiye sayahitigha nisbeten éshish yili bolidighanliqigha ishinidighanliqini tekitligen serwet terziler, bolupmu sheher doxturxanilirining yaxshi sistémilishishi bilen birlikte türkiyening sehiye sayahitide dunya boyiche eng muhim merkezlerning birige aylinidighanliqini tekitlidi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
