sérbiye pirézidénti wuchich türkiyede ziyarette bolidu

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi, jumhur reis erdoghan bilen méhman pirézidént wuchichning paytext enqerede türkiye-sérbiye yuqiri derijilik hemkarliq kéngishining üchinchi qétimliq yighinigha riyasetchilik qilidighanliqini uqturdi.

jumhur reislik mehkimisining wuchichning ziyaritige munasiwetlik bayanatida: «kéngesh yighinida, türkiye - sérbiye munasiwetlirining herqaysi terepliri közdin kechürülidu, ikki terep hemkarliqini chongqurlashturush we tereqqiy qildurush yolida tashlinidighan qedemler muzakire qilinidu. balqan rayonining tinchliq we muqimliqini qoghdash tonushi asasida rayon we xelqaraliq özgirishler toghrisida pikir almashturulidu» dégen ibarilerge orun bérildi.