chawushoghlu qazaqistan tashqi ishlar ministiri bilen körüshti

türkiye awazi radiyosi xewiri: türkiye tashqi ishlar ministiri mewlüt chawushoghlu qazaqistan tashqi ishlar ministiri muxtar tilewberdi bilen téléfonda körüshüp, qazaqistanning nöwettiki weziyitini muzakire qildi we türkiyening qazaqistanni qollaydighanliqini tekrarlidi.

bildürülishiche, körüshüshte 11-yanwar (2022) da intérnétta ötküzülidighan we qazaqistanning nöwettiki weziyiti muzakire qilinidighan türk döletliri teshkilatining tashqi ishlar ministirliri yighini heqqide özara pikir almashturulghan.

qazaqistanda 2-yanwar suyuqlandurulghan gaz bahasining östürülishige we ijtimaiy, iqtisadiy sharaitlarning nacharlishishigha naraziliq bildürülüp bashlanghan namayishlar, döletning eng chong shehiri bolghan almutada zorawanliq tüsini élip, qoralliq toqunushqa aylinip ketken idi.

pirézidént jömert toqayéw namayishlargha hökümetni mesul dep qarap, istépasini qobul qilghan we weqelerning kéngiyishi sewebidin jiddiy halet élan qilghan idi.