ibrahim kalin: étiqad؛ qetiy iradige munasiwetlik
jumhur reis bayanatchisi ibrahim kalin türkiyening amérikadiki musulman xelqler bilen bolghan küchlük we saghlam munasiwetke ishinidighanliqini hemde ehmiyet béridighanliqini éytti.
türkiye awazi radiyosi xewiri: ibrahim kalin her yili dunyaning herqaysi jayliridin onminglighan musulmanlarni bir yerge jem qilidighan we amérikadiki nuqtiliq musulman teshkilatliri teripidin uyushturulidighan «MAS-ICNA» qurultiyining kechlik ziyapitige qatnashquchilargha xitab qildi.
ibrahim kalin islam dunyasida we omumen qilip éytqanda dunyada yüz bériwatqan ishlargha qarita insanning yéngilinishqa, meripetlik bolushqa we meniwiyetke éhtiyajliq bolidighanliqini tekitlep, «MAS-ICNA» qurultiyining bu xil tuyghuni béridighanliqini bildürdi.
étiqadning peqet bir nersige ishinishla emeslikini alahide tekitligen ibrahim kalin, «étiqad؛ qetiy iradige munasiwetlik. étiqad pütünley meniwiyet, adalet, yaxshiliq toghrisidiki qetiy iradige baghliq. eger bu irade bolmisa, étiqad peqet bir quruq gep, köz köz qilish buyumigha aylinip qalidu. men bu yerde intayin muhim irade we aktip énérgiyeni kördüm. jiddiy muzakirilishisimiz kéreklik intayin éghir xirislar we mesililer barliqini bilimen. emma bu qetiylikmu qaltis ish» dédi.
ibrahim kalin türkiyening amérikadiki musulman xelqler bilen bolghan küchlük we saghlam munasiwetke ishinidighanliqini hemde ehmiyet béridighanliqini éytti.
amérikadiki nuqtiliq musulman teshkilatliri teripidin uyushturulidighan «MAS-ICNA» qurultiyining 20 – nöwetliki bu yil chikagoda dawamlashmaqta.
ötken yili kowid-19 yuqumi sewebidin torda ötküzülgen «MAS-ICNA» qurultiyi bu yil yüzturane ötküzülmekte.
amérika musulmanlirining aldinqi qatardiki shexsliri nutuq sözligendin bashqa yene, nurghunlighan ijtimaiy paaliyetlernimu öz ichige alidighan 3 künlük qurultay bügün yépilish yighini bilen axirlishidu.
