türkiye hayti xelqi we hökümitige teziye bildürdi
türkiye haytida yéqilghu toshuydighan yük aptomobili partilishida hayatidin ayrilghanlar üchün teziye bildürdi.
1747651
türkiye awazi radiyosi xewiri: tashqi ishlar ministirliqining yazma bayanatida, kap-haytiyén shehiride may baki aptomobilining partilishi netijiside 50 din artuq kishining hayatidin ayrilghanliqidin qayghurush ichide xewer tapqanliqi bildürüldi.
bayanatta, «hayatidin ayrilghanlarning aile-tawabiatliri bilen hayti xelqi we hökümitige teziye bildürimiz. yarilanghanlarning tézrek eslige kélishini tileymiz» déyildi.
haytining kap-haytién shehiride yéqilghu toshuydighan yük aptomobilining partilishi netijiside, deslepki éniqlashlargha asaslanghanda, etraptiki 50 din artuq kishi qaza qilghan we onlighan kishi yarilinip doxturxanida balnéstqa élinghan idi.
