türkiye ezerbeyjangha teziye bildürdi
türkiye ezerbeyjanda qaraheybet hawa meshiq saheside chüshüp ketken herbiy tik uchar ayropilanda shéhit bolghanlar üchün teziye bayanati élan qildi.
türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan yazma bayanatta, enqerening, ezerbeyjanning xizi rayonining qaraheybet hawa meshiq saheside bir herbiy tik uchar ayropilanning chüshüp ketkenlikidin we qazada shéhit bolush we yarilinish ehwalining körülgenlikidin tolimu epsuslanghan halda xewer tapqanliqi bildürülüsh bilen bir waqitta, shéhitlargha allah taaladin rehmet, yarilanghanlargha shipaliq tilendi.
türkiye dölet mudapie ministirliqining ammiwi ortaqlishish tor béti Twitter sehipiside élan qilinghan bayanatta, mundaq déyildi: «qérindash dölet ezerbeyjanda döletlik chégra mulazimet idarisigha ait bir herbiy tik uchar ayropilanning chüshüp ketkenlikidin tolimu epsuslanghan halda xewer taptuq, bu échinishliq hadiside arimizdin ayirilip qalghan shéhitlirimizgha allah taaladin rehmet, yaridarlirimizgha shipaliq tileymiz, pütkül ezerbeyjanliq qérindashlirimizgha teziye bildürimiz hem sewr - taqet tileymiz.»
ezerbeyjanda döletlik chégra mulazimet idarisining herbiy tik uchar ayropilanining, shu jay waqti etigen saet 10 din 40 minut ötkende, xizi rayonining qaraheybet hawa meshiq saheside chüshüp ketkenliki bildürülgenidi.
