erdoghan 29-öktebir tebrik télégrammisini élan qildi

türkiye awazi radiyosi xewiri: jumhur reis rejep tayyip erdoghan 29-öktebir jumhuriyet bayrimi munasiwiti bilen élan qilghan widéo télégrammisida: <<memliket ichide we memliket sirtida yashaydighan puqralirimiz bilen shanliq tariximizning altun halqiliridin biri bolghan shereplik künimizni biz bilen birlikte ortaqlashqan barliq dostlirimizning 29-öktebir jumhuriyet bayrimini tebrikleymen. jéni bedilige bu wetenni bizge amanet qilghan eziz shéhitlirimizgha allahtin rehmet tileymen. oxshash muqeddes dewa üchün küresh qilghanda, ghaziliq sheripige érishkenlerge shexsim, dölitim we xelqim namidin rehmitimni bildürimen>> dédi.

u élan qilinghanliqining 98-yilliqida, jumhuriyetning qurghuchisi ghazi mustapa kamal atatürk bilen qehriman sepdashlirini minnet bilen xatiriligenlikini eskertip, sözini mundaq dawamlashturdi:

<<jumhuriyitimizning 100-yilliqi (2023) upuqta éniq körüngen bir peytte, héchqandaq küchning, héchqandaq meynet sénariyening, türkiyeni aqsitishni meqset qilghan her qandaq nomussiz hujumning, bizni yolimizdin toxtitishigha ruxset qilmaymiz. pütkül xelq eng chong ishenchimiz bolghan ittipaqliqimizgha, barawerlikimizge we qérindashliqimizgha mehkem ésilip, ulugh we küchlük türkiye dewamizni emelge ashurush üchün küresh qilimiz. qiliwatqan bu muqeddes küreshte, milliy küreshni ghelibige érishtürgen, jumhuriyitimizgha hayat béghishlighan polat irade, 98 yildin buyan qilghangha oxshash, bügünmu bashlamchiliq qilishni dawamlashturidu.>>