türkiyening parizh kilimat özgirishi kélishimini testiqlishi muhim ehmiyetke ige
engliye tashqi ishlar ministirliqining kilimat özgirishi mexsus wekili nik brij (Bridge) türkiyening parizh kilimat özgirishini testiqlishining ehmiyiti üstide toxtaldi.
türkiye awazi radiyosi xewiri: engliye tashqi ishlar ministirliqining kilimat özgirishi mexsus wekili brij: <<türkiye intayin muhim iqtisadiy dölet. töwen we karbonni 0 ge chüshürüsh nuqtisidin éytqandimu muhim dölet>> dédi.
«küch we paradoks: 21-esirdiki büyük istratégiyeni chüshinish» témisida ötküzülgen <<2021 t r t world munbiri>> de, <<istratégiyelik tehdit bolush süpitide kilimat we yer shari sehiye kirizisliri>> dégen témidiki yighin uyushturuldi.
t r t worldning diktori rashél rubl (Rachael Ruble) ning riyasetchilikide échilghan yighingha, engliye tashqi ishlar ministirliqining kilimat özgirishi mexsus wekili nik brij, gollandiye tashqi ishlar ministirliqining sabiq istratégiyelik siyaset meslihetchisi we muhit qoghdash yazghuchisi aléksandér wérbék, prinston uniwérstétining xelqara munasiwetler bölümi piroféssori robért o kéyoxéyin, dunya sehiye teshkilatining xelq saghlamliqi we muhit orginining diréktori mariya néyra, afriqa késelliklerni kontrol qilish we aldini élish merkizining mudiri jon n. nkéngasong we wiskonsin madison uniwérstéti dunya sehiye inistituti mudiri jonatxan patz qatarliq kishiler qatnashti.
engliye tashqi ishlar ministirliqining kilimat özgirishi mexsus wekili brij noyabir éyi (2021) da shotlandiyening glasgow shehiride ötküzülidighan b d t kilimat özgirishi konféransida bir yerge jem bolidighan hökümetlerning, parizh kilimat kélishimi ramkisida bergen wediside turidighanliqini, bolupmu bu nuqtida eng ajiz döletlerge bérilidighan yardemlerning muzakire qilinidighanliqini bildürdi.
u türkiyening parizh kilimat özgirishi kélishimini testiqlighanliqining ehmiyiti üstide toxtilip, mundaq dédi:
<<jumhur reis rejep tayyip erdoghanning parizh kélimat kélishimini testiqlash toghrisidiki uqturushi intayin muhim idi. mundaqche éytqanda, 2053-yiligha barghanda karbon biterep bolush wedisi intayin muhim qedem. türkiye intayin muhim iqtisadiy dölet. töwen karbon we nöl karbon ishlepchiqirish iqtidari jehettin éytqandimu intayin muhim dölet. hazir yawropa döletlirining yéshil istratégiyesi bar. türkiye iqtisadiningmu bu ötkünchi basquchni qollighanliqini körüsh tolimu xushallinarliq ish.
