oktay, gül we soylu bash elchilerge naraziliq bildürdi

türkiye awazi radiyosi xewiri: muawin jumhur reis  fuat oktay, ammiwi ortaqlishish tor bétidiki sehipiside élan qilghan bayanatida, paytext enqerede wezipe ötewatqan 10 bash elchining, karxanichi osman qawalaning sotlinishigha dair bayanatigha naraziliq bildürüp mundaq dédi: «özliri wezipe ötewatqan döletning musteqilliqigha sadiq bolush mejburiyiti bar we <edliyening musteqilliqi> toghrisida bayanat élan qilghan bezi döletlerning bash elchiliri heddidin éship,  <siyasetning edliye organlirigha arilishish> ni telep qiliptu. shuni alahide tekitlep ötimenki, türkiyede edliye organliri musteqildur, türkiyemu pütünley musteqil bir dölettur, edliye ishlirigha arilishishni arzu qilidighanlar, bu arzulirini öz döletliride ishqa ashurushni dawamlashtursa bolidu.»

edliye ministiri abdulhamit gül, diplomatlarning özliri qobul qilinghan döletning qanunigha hörmet qilish mejburiyiti barliqini tekitlep mundaq dédi: «asasiy qanunimizgha asasen, sot mehkimiliirimizge tewsiye we teklipte bolush herqandaq bir bash elchining heddi emestur, qanunning üstünlükige kölengge  chüshürginimu del mushu heddidin éshish hem heddini bilmesliktur.»

ichki ishlar ministiri sulayman soylu, türkiye jumhuriyitining démokratik qanun döliti ikenlikini tekitlep mundaq dédi: «bash elchilerning, sot ishliri dawamlishiwatqan bir edliye orginigha tewsiye we teklipte bolushini qobul qilghili bolmaydu, i bash elchiler! shuni bilishinglar kérekki, silerning tewsiye we we teklipinglar özünglarning qanun we démokratiye énginglargha  kölengge chüshürmekte.»