mérkél ete türkiyede xizmet ziyaritide bolidu
gérmaniye bash ministiri angéla mérkél ete (2021-yili 16-öktebir) türkiye jumhur reisi rejep tayyip erdoghanning teklipige binaen türkiyede xizmet ziyaritide bolidu.
1720126
türkiye awazi radiyosi xewiri: türkiye jumhur reislik uchur-alaqe idarisi gérmaniye bash ministiri angéla mérkélning türkiyede xizmet ziyaritide bolidighanliqi toghrisida bayanat élan qildi.
bayanatqa asaslanghanda, uchrishishlar istanbulda ötküzülidighan bolup, türkiye bilen gérmaniye otturisidiki munasiwetler tepsiliy közdin kechürülidiken. buningdin bashqa, özara hemkarliqlarni tereqqiy qildurush üchün bésishqa mumkin bolidighan qedemler, türkiye-yawropa ittipaqi munasiwetliri, liwiye, süriye we afghanistanni asas qilghan halda rayonluq hemde xelqaraliq mesililer muzakire qilinidiken.
