aqardin girétsiyege: türkiyege qarshi üstünlükke érishelmeysiler

türkiye awazi radiyosi xewiri: aqar, istanbuldiki dölet mudapie uniwérsitéti déngiz armiyesi akadémiyesining 2021-2022- yilliq oqush bashlash yili murasimida qilghan sözide, ege déngizi, sherqiy aqdéngiz we qibristiki girétsiye bilen türkiye otturisida otturigha chiqiwatqan mesililer heqqide toxtilip, bu mesililerni xelqara qanun dairiside, inaq qoshnidarchiliq munasiwetlirige asasen diyalog arqiliq hel qilish terepdari ikenliklirini, bu nuqtida, girétsiyediki siyasiy we herbiy rehberlerni, hadisilerge eqil – paraset, mentiq we soghuqqanliq bilen nezer tashlashqa chaqiriwatqanliqlirini, bir qisim herbiyler, siyasiyonlar we akadémiklarning bu heqiqetni chüshinip yétip, türkiyening qarishining toghra ikenlikini otturigha qoyuwatqanliqini tekitlep mundaq dédi: «girétsiye bilen jenubiy qibris rum hakimiyiti birqatar herbiy manéwirlar we paaliyetler arqiliq meqsitige yételeydighanliqini guman qiliwatidu, girétsiyede bolupmu yéqindin buyan bezi döletlerning teshwiqliri we küshkürtüshi netijiside qismen kélishimlerni tüzüp, qorallinish hewisi qozghilip qaldi. halbuki, aldi bilen matématika we tarix nuqtisidin bu heqiqetlerni közitishlar kérek, derweqe, bundaq teshebbuslar arqiliq türkiyege qarshi üstünlükke érishelishinglar mumkin emes, shunga, bu teshebbustin waz kéchinglar. shuni alahide tekitlep ötimenki, girétsiyening iqtisadiy ehwali, bolupmu qerzlerge boghulup qélishtek qiyin ehwali hemmige ayan, girétsiye qorallinish hewisi bilen bir qisim israpchiliq chiqimlirini qilip, iqtisadiy ehwalini téximu nacharlashturmaqta we girétsiye xelqining parawanliqigha éghir ziyanlarni yetküzmekte, girétsiyediki eqilliq kishiler bu roshen heqiqetni körüshi kérek.»