mustapa shentop qazaqistanda ziyarette bolmaqta

türkiye awazi radiyosi xewiri: türkiye büyük millet mejlisi (parlaménti) reisi mustapa shentop türkiye bilen qazaqistanning munasiwiti heqqide toxtilip, «kowid-19 yuqumi mezgilide soda miqdarimizda töwenlesh körülmidi, belki éshish bar. 2021-yili 7-ayda, aldinqi yillargha sélishturghanda %50 etrapida éshish bar» dédi.

mustapa shentop we uning hemrahliqidiki parlamént ezaliri heyiti türk tilida sözlishidighan döletler parlaméntliri birliki (TÜRKPA) ning 10 - nöwetlik omumiy mejlisige qatnishish we öz ara uchrishishlarda bolush üchün qazaqistangha yétip bérip, ziyaritining birinchi künide paytext nur sultanda türk soda – sanaetchiler bilen körüshti.

mustapa shentop türkiye -  qazaqistan munasiwetlirining nahayiti yaxshi sewiyede ikenlikini bildürüp, «qazaqistan musteqilliqini jakarlighan tunji küni türkiye qazaqistanning musteqilliqini étirap qildi. qazaqistan bilen tunji diplomatik munasiwet ornatqan döletmu türkiye boldi. shuningdin buyan qazaqistan bilen dostluq we qérindashliq ichide her sahediki munasiwetlirimizni dawamlashturup kelmektimiz» dédi.  

qazaqistan bilen iqtisadiy jehettimu munasiwetlerning intayin mustehkem asasqa ige ikenlikini tilgha alghan mustapa shentop: «kowid-19 yuqumi mezgilide soda miqdarimizda töwenlesh körülmidi, belki éshish bar. 2021 - yili 7 - ayda, aldinqi yillargha sélishturghanda %50 etrapida éshish bar. eger biz mushundaq heriket qilsaq, pirézidéntlirimiz otturigha qoyghan 10 milyard dollarliq nishangha tézla yétimiz. bu jehette elwette silerning töhpenglarmu intayin muhim» dédi.