«mewjudiyet dunyasidiki tilimizni uzuqlashdurush, qoghdash we tereqqiy qildurush zörür»

+ türkiye awazi radiyosi xewiri: jumhur reis erdoghan, 26 – séntebir «türk tili bayrimi» küni munasiwiti bilen élan qilghan bayanatida, dunyadiki sanaqliq tillar qataridin orun alghan türk tilining, milliy rohning shekillinishi, milliy kimlikning royapqa chiqirilishi we yashitilishida asasliq amil ikenlikini tekitlep mundaq dédi: ««tilimizning pütkül bayliqlirini baghrigha bésish éngigha asasen, türk tilimizni qoghdash nahayiti zor ehmiyetke ige, mewjudiyet dunyasida yashawatqan mislisiz bir bayliq bolghan tilimizni ozuqlandurush, qoghdash we tereqqiy qildurush üchün, türkchemizni toghra ishlitishke dawamliq ehmiyet bérishimiz kérek, téxnologiye uchqandek tereqqiy qiliwatqan we digitallishish kündilik hayatning hemme saheliridin chongqur orun éliwatqan bügünki dunyada, tilimizni choqum jan tikip qoghdishimiz shert, türkchening senet, edebiyat, ilim-pen we maarip tili süpitide ishlitilishidin sirt yene, tilimizning molliqi we chongqurluqini öz ichige alghan aghzaki we yazma eserlerning barliqqqa keltürülüshi, mol til bayliqimizni kelgüsi ewladlargha miras qaldurush we türkchemizning inawitini yoqiri kötürüshtiki muhim bir qedem bolidu.»

jumhur reis erdoghan, türkchening pasahetlik alahidilikliri hem güzelliklirining keshp qilinishigha töhpe qoshqan barliq tilshunaslar, natiqlar we pidakar qelemkeshlerni minnetdarliq bilen yad étish bilen bir waqitta, «türk tili bayrimi» künining, türkchening yashitilishi, kelgüsi ewladlargha öz péti miras qaldurulushi üchün wesile bolushigha tilekdashliq bildürdi.