erdoghan 30-awghust zeper bayrimini tebriklidi
türkiye jumhur reisi rejep tayyip erdoghan: «buningdin 99 yil ilgiriki dumlupinarda qed kötürgen imanning yétekchilikide, biz 84 milyon ittipaqliq, tinchliq we qérindashliq ichide, parlaq kelgüsimizge birlikte mangimiz» dédi.
türkiye awazi radiyosi xewiri: jumhur reis rejep tayyip erdoghan 30-awghust zeper bayrimi munasiwiti bilen élan qilghan tebrik télégrammisida, shanliq tarixning ul téshining biri bolghan büyük ghelibining 99 yilliqini kütüwélish xushalliqida ikenlikini bildürdi.
u xelqning, qibris türklirining we dunyaning oxshimighan döletliride yashawatqan türkiye puqralirining 30-awghust zeper bayrimini tebriklidi we bu pexirlik künde özlirini yalghuz qoymighanlargha, shexsiy we xelqqe wakaliten rehmet éytti.
jumhur reis rejep tayyip erdoghan bu pursette musteqilliq urushining bash qomandani (1919-1923), jumhuriyetning qurghuchisi ghazi mustapa kamal atatürkni, ghazi dölet mejlisining qimmetlik ezalirini we armiyening qehriman eskerlirini rehmet bilen xatiriligenlikini qeyt qildi.
u: « biz 84 milyon ittipaqliq, tinchliq we qérindashliq ichide parlaq kelgüsimizge qarap mangimiz. xelqimizning we shimaliy qibris türk jumhuriyitidiki barliq qérindashlirimning 30-awghust zeper bayrimi mubarek bolsun» dédi.