erdoghan: türkiye nurghun sahede sanaqliq döletlerdin birige aylandi
jumhur reis rejep tayyip erdoghan türkiyening uchquchisiz hawa apparatlirini öz ichige alghan nurghun sahede dunya boyiche sanaqliq dölet mudapiesi sanaiti mehsulatlirini ishlepchiqarghuchi we ékisport qilghuchi döletlerdin birige aylanghanliqini éytti.
türkiye awazi radiyosi xewiri: jumhur reis, adalet we tereqqiyat partiyesi rehbiri rejep tayyip erdoghan, paytext enqerede chaqirilghan partiyesining wilayetlik mesulliri kéngeytilgen yighinida qilghan sözide, mundaq dédi: «qizil reqemni 2019-yili éshincha haletke aylandurduq, pat yéqinda oxshash ehwalni körimiz, merkez bankimizning zapisi nöwette 109 milyard dollar sewiyeside bolup, basquchi tamamlanghan soda ishliri arqiliq aldimizdiki künlerde 115 milyard dollardin éship kétidu, yerlik aptomobilimizning ishlepchiqirish basquchi pilan boyiche dawamlishiwatidu, xudayim buyrisa, 2023 – yili özimizning aptomobilimizni yollarda körimiz, türkiye uchquchisiz hawa apparatlirini öz ichige alghan nurghun sahede dunya boyiche sanaqliq dölet mudapiesi sanaiti mehsulatlirini ishlepchiqarghuchi we ékisport qilghuchi döletlerdin birige aylandi.»
