chawushoghlu türkiyening ukrainaning zémin pütünlükini qollaydighanliqini bildürdi
mewlüt chawushoghlu türkiyening ukrainaning zémin pütünlükini qollaydighanliqini bildürüp: «krémilning qirimni qanunsiz halda özige qoshuwalghanliqini étirap qilmiduq we izchil halda étirap qilmaydighanliqimizni tekitlep kéliwatimiz» dédi.
türkiye awazi radiyosi xewiri: türkiye tashqi ishlar ministiri mewlüt chawushoghlu ukrainada ötküzülidighan qirim munbirining qurulush yighinigha qatnishishtin burun muhim bayanat élan qildi.
u yighingha türkiyening ukrainaning zémin pütünlükini qoghdaydighanliqini we qirim tatarlirining heq-hoquqlirigha ehmiyet béridighanliqini namayan qilish üchün qatnishidighanliqini eskertip: «krémilning qirimni qanunsiz halda özige qoshuwalghanliqini étirap qilmiduq we izchil halda étirap qilmaydighanliqimizni tekitlep kéliwatimiz. buni sözlep qoyush yetmeydu. qirim we ukrainaning zémin pütünlükini qollaydighan bashqa dost we qérindash döletler bilen küntertipke qoyup, qollishimizni dawamlashturimiz. munberning qirim we qirim tatarlirining heq-hoquqlirini hemde ukrainaning zémin pütünlükini qoghdashta muhim rol oynaydighanliqigha ishinimen. türkiye bilen ukrainaning munasiwiti intayin yaxshi. munasiwetlirimizni oxshimighan saheler boyiche téximu tereqqiy qildurush üchün zor tirishchanliqlarni körsitiwatimiz. öktebirde ortaq istratégiyelik pilanlash yighinini qedirlik dostum ukraina tashqi ishlar ministiri dmitri kuléba bilen ktküzüsh üchün yene bir qétim ukrainagha barimen» dédi.
