pakdemirli: dala ot apetliri pütünley kontirol astigha élindi
yéza igilik we ormanchiliq ishliri ministiri bekir pakdemirli, türkiyede yéqinqi 15 kün ichide yüz bergen keng kölemlik dala ot apetlirining pütünley kontirol astigha élinghanliqini uqturdi.
türkiye awazi radiyosi xewiri: pakdemirli, ammiwi ortaqlishish tor béti Twitter sehipiside élan qilghan bayanatida, 28 – iyul küni bashlanghan we türkiye tarixida körülgen eng chong dala ot apetliri yüz bergen bu basquchta, mughlaning köyjegiz dala ot apitiningmu ormanchiliq tarmaqlirining qechrimanlarche kürishi netijiside kontirol astigha élinghanliqini tekitlep mundaq dédi: «shundaq qilip, dölitimizde yüz bergen barliq chong tiptiki dala ot apetlirini pütünley kontirol astigha alduq, bu chong apette biz eziz xelqimiz bilenmu orman üchün bir qelbke aylanduq, hörmetlik jumhur reisimiz rejep tayyip erdoghanni öz ichige alghan we bizdin yardemlirini ayimighan döletlerge, dölet organliri we apparatlirigha, ammiwi teshkilatlargha rehmet éytimiz. pütkül rohiy dunyamiz derd – elemge toldi, jénimiz köydi, köyüp ketken sahelerni biz yene birlikte yéshilzarliqqa aylandurimiz, xatirjem bolunglar.»
