türkiye girétsiyedin hal soridi
dölitimiz (türkiye jumhuriyiti) tashqi ishlar ministiri mewlüt chawushoghlu, girétsiyediki dala ot apetliri munasiwiti bilen girétsiye tashqi ishlar ministiri nikos déndiastin hal soridi.
türkiye awazi radiyosi xewiri: türkiye jumhuriyiti tashqi ishlar ministirliqining waqiplandurush uchurigha asaslanghanda, ministir mewlüt chawushoghlu déndiasqa téléfon qilip, girétsiyediki dala ot apetliri seweblik hal sorighan.
girétsiye tashqi ishlar ministirliqining twittérdiki adrésida élan qilinghan bayanattimu, mewlüt chawushoghluning déndiasqa téléfon qilip, dala ot apetliri sewebidin hal sorighanliqi qeyt qilindi.
bayanatta, her ikki ministirning aldi bilen öz döletliridiki dala ot apetlirini tizginlesh sherti bilen özara yardem bérishke teyyar ikenliklirini tilgha élip ötkenlikige isharet qilindi.
déndiasmu 29 – iyulda türkiyediki dala ot apetliri seweblik ministir mewlüt chawushoghlugha téléfon qilip hal sorighanidi.
مۇناسىۋەتلىك خەۋەرلەر
türkiye urush paraxotliri qibris portlirigha lengger tashlaydu
türkiye urush paraxotliri shimaliy qibris türk jumhuriyiti (KKTC) portlirini ziyaret qilidu.