altun: türkiye héchkimning kütüsh zali emes we bunungdin kéyinmu undaq bolmaydu
jumhur reislik mehmisi uchur - alaqe ishliri idarisining bashliqi fahrettin altun türkiyening héchkimning kütüsh zali emeslikini, buningdin kéyinmu undaq bolmaydighanliqini éytti.
türkiye awazi radiyosi xewiri: altun, «‹blombérg› téléwiziyesi» ning ziyaritini qolgha qilghanda qilghan sözide, amérika qoshma ishtatlirining bir qisim afghanlarning türkiyenimu öz ichige alghan üchinchi döletler arqiliq amérikagha köchmen bolush üchün iltimas sunsa bolidighanliqigha alaqidar bayanatigha naraziliq bildürüp, mundaq dédi: «türkiye héchkimning kütüsh zali emes, buningdin kéyinmu hergiz undaq bolmaydu, mérika qoshma ishtatliri tashqi ishlar ministirliqining, washington teripidin meblegh bilen teminlengen layiheler hem teshkilatlarda ishlewatqan bir qisim afghanistan puqralirini üchinchi döletlerge bérip amérikadin panahliq tilesh chaqiriqidin tolimu epsusliniwatimiz hem qattiq endishe qiliwatimiz.»
u, rayonning shert – sharaitliri we türkiyening uzun yillardin buyan 4 milyondin artuq musapirgha sahibxaniliq qiliwatqanliqi nezerde tutulghinida, qanunsiz köchmenlikke righbetlendüridighan bundaq chaqiriqni esla qobul qilghili bolmaydighanliqini tekitlep mundaq dédi: «biz chégra bixeterlikimizni qoghdash üchün küchimizning yétishiche dawamliq tirishimiz.»
