ibrahim qalin aléksandér lawréntiyéf bilen körüshti

türkiye awazi radiyosi xewiri: jumhur reislik mehkimisi binasida qalin bilen lawrantiyéf riyasetchilik qilghan wekiller ömekliri uchrishishida, süriyening nöwettiki weziyiti we munasiwetlik siyasiy musape muzakire qilindi.

idlibtiki urush toxtitishni saqlap qélishning ehmiyiti otturigha qoyulghan yighin jeryanida, kélishim sayisida yaritilghan muqimliqqa ziyan yetküzidighan ighwagerchilik hujumlirigha yol qoymasliq kérekliki toghrisida birdeklik hasil qilindi.

yighinda , siyasiy musapining téximu ünümlük élip bérilishi we süriyening tinchliqi we muqimliqini berpa qilish üchün asasiy qanun komitétining xizmitini tézlitish kérekliki tekitlendi.

süriyede tinchliq we muqimliq yaritish üchün siyasiy xizmetlerning téximu paal ishlinishi we asasiy qanun komitéti xizmetlirining süritini ashurushning shert ikenlikige isharet qilinghan yighinda, süriyening zémin pütünlükining muhapizet qilinishi we p y d/y p g/p k k bilen daésh qatarliq barliq térrorluq teshkilatlirigha qarshi paal küresh qilishning zörürlüki qeyt qilindi.

süriyediki insanperwerlik krizisini peseytish üchün ortaq tedbir qollinishning muhimliqi tekitlengen yighinda, bu arqa körünüshte, süriyege insanperwerlik yardimi bérishning dawamlishishigha kapaletlik qilidighan birleshken döletler teshkilati xewpsizlik kéngishining 2585 nomurluq qararining nahayiti muwapiq bir qarar ikenlikige isharet qilindi we tereplerning bu qarardin memnun ikenliki tilgha élip ötüldi.