erdoghan bashchiliqidiki aliy herbiy kéngesh ezaliri atatürk xatire sariyini ziyaret qildi
jumhur reis rejep tayyip erdoghan bashchiliqidiki aliy herbiy kéngesh ezaliri türkiye jumhuriyitining qurghuchisi büyük rehber atatürkning méyitimu bar bolghan atatürk xatire sariyini ziyaret qildi.
türkiye awazi radiyosi xewiri: jumhur reis erdoghan, jumhur reislik mehkimisidiki yighin harpisida, aliy herbiy kéngesh ezaliri bilen birlikte atatürk xatire sariyigha bardi, andin bashchiliqidiki heyet bilen birlikte xatire süretke chüshkendin kéyin, misaqi milliy munarigha ötti. bu yerde atatürk xatire sariyining mexsus deptini imzalidi we depterge munularni yazdi:
«hörmetlik atatürk! aliy herbiy kéngesh ezaliri bolush süpitimiz bilen, 2021 – yilliq yighin munasiwiti bilen yene bir qétim huzuringizdimiz, türkiye jumhuriyitini sizmu tewsiye qilghiningizdek zamaniwi medeniyetning eng yüksek sewiyege yetküzüsh üchün üzlüksiz küresh qiliwatimiz, türkiye pütkül dunyani qaplap ketken ‹kowid – 19› yuqumigha qarimay, iqtisadtin mudapiegiche, ishlepchiqirishtin sehiyege köpligen sahelerde nahayiti zor muweppeqiyetlerni qolgha keltürmekte, bu basquchta, türkiye armiyesi, dölet ichi-sirtida élipb ériwatqan ghelibilik herbiy heriketliri bilen eziz xelqimizge ishench béghishlimaqta.»
yene bir tereptin, jumhur reis rejep tayyip erdoghan bashchiliqidiki aliy herbiy kéngesh yighini, enqere waqti saet 12.20 de jumhur reislik mehkimiside bashlandi.
