türkiyening ot apitige qarshi kürishige alte dölet yardem qildi
türkiyening jenubida 28-iyul (2021) din buyan yüz bergen ot apitige qarshi küreshke alte dölet ayropilan ewetti.
türkiye awazi radiyosi xewiri: türkiye orman ishliri muawin bash mudiri mustafa özkaya türkiyening qolidiki 45 tik uchar we üch ayropilandin bashqa, chet ellerdinmu yardem kelgenlikini, yene yardemge kélidighan ayropilanlarning barliqini éytti.
u hazirning özide chet ellerdin kelgen 12 ayropilan we alte tik ucharning wezipe ötewatqanliqini, bularning ichidiki 10 ayropilan we barliq tik ucharlarning heqsiz ikenlikini bildürdi.
u: «iran bir ayropilan, ikki tik ucharni yardemge ewetti. ezerbeyjan ewetken bir tik uchar we 53 aptomobildiki ot öchürüsh xadimliri neq meydangha yétip kélish aldida. ukraina yardemge üch ayropilan ewetti. rusiyedin besh ayropilan we üch tik uchar keldi» dédi.
u kirodiye, ispaniye, firansiye we ruméniye qatarliq döletlerdin besh ayropilan ewetish teklipi kelgenlikini eskertip, ruméniye we firansiye ayropilanliri muwapiq bolmighanliqi üchün kelmigenlikini, kirodiyedin bir ayropilan, ispaniyedin ikki ayropilan kelgenlikini qeyt qildi.
u türkiyening hawa küchining yaxshi ikenlikini, emma bundaq yardem qilishni xalighan döletlerning yaxshi könglini qayturalmighanliqlirini eskertip: «bu yardem qilish teleplirini keynige qayturush diplomatik jehettinmu toghra emes» dédi.
