türkiyege chet eldin hal sorash we hemkarliq bayanatliri kelmekte

türkiye awazi radiyosi xewiri: giruziye bash ministiri irakli garibashwili, bu heqte élan qilghan bayanatida, mundaq dédi: «dostimiz, istiratégiyelik hemrahimiz türkiyening jenubiy rayonlirida meydangha kelgen keng dairilik orman ot apetlirige munasiwetlik xewerlerni yéqindin közitiwatimiz. ot apetliri dawamida hayatidin ayrilghanlar we türkiyege chin dilimizdin teziye bildürimiz. türkiye hökümiti we xelqi bilen dawamliq hemkarliishiwatimiz, jümlidin türkiyege her jehettin yardem bérishke teyyarmiz.»

wéngiriye bash ministirliq mehmikisi axbarat wasitiliri ishxanisi teripidin élan qilinghan bayanattimu, muawin bash ministir zolt semjénning, wéngiriye hökümiti namidin türkiye hökümitige yollighan teziye télégrammisida,  ot apetliride hayatidin ayrilghanlarning  aile tawabiatliri we türkiye hökümitidin hal soraydighanliqi bildürüldi.

orman ot apetlirige qarshi küreshni qollash üchün ilgiri türkiyege 100 ot öchürüsh xadimi bilen 1 ot öchürüsh ayropilani ewetken ezerbeyjan, tünügünmu yene 53 ot öchürüsh mashinisi bilen 220 ot öchürüsh xadimini quruqluq yoli arqiliq türkiyege ewetti. buningdin bashqa yene, ezerbeyjan bir tik uchar ayropilanmu ewetidu.