türkiye afghanistandiki b d t merkizige qilinghan hujumni eyiblidi
türkiye, birleshken döletler teshkilati (b d t)ning afghanistanning hirat shehiridiki asasiy qarargahigha qaritilip, bir saqchining ölümini keltürüp chiqarghan hujumni eyiblidi.
türkiye awazi radiyosi xewiri: türkiye jumhuriyiti tashqi ishlar ministirliqi teziye télégrammisi élan qilip, türkiyening, bügün b d t ning afghanistanning hirat shehiridiki asasiy qarargahining hujumgha uchrap, bir saqchining hayatidin ayrilishi we bir qisim kishilerning yarilinishini keltürüp chiqarghanliqidin chongqur qayghurush ichide xewer tapqanliqini uqturup: «biz tinchliq ornitish we afghanistandiki insanperwerlik weziyitini yaxshilashqa tirishiwatqan b d t ni zerbe obyékti qilghan bu qebih hujumni eyibleymiz. hayatidin ayrilghan memurning ailisige teziye bildürimiz, yarilanghanlargha téz shipaliqlar tileymiz» dégenlerni qeyt qildi.
b d t afghanistangha yardem bérish etritining afghanistanning gherbige jaylashqan hirat ölkisidiki ishxanisi minamyot hujumigha uchrap bir adem qaza qilghanidi.
b d t afghanistangha yardem bérish etriti, hirattiki ishxanisning öktichi guruppilarning minamyot hujumigha uchrighanliqini élan qilghanidi.
