türkiye yawropa ittipaqining yépiq marashqa qaratqan pozitsiyesige naraziliq bildürdi

türkiye awazi radiyosi xewiri: tashqi ishlar ministirliqi bayanatchisi we bash elchi tanju bilgich bu heqtiki soalgha yazma jawab qayturdi.

tanju bilgich qibris türk xelqini nezerdin saqit qilidighan, heqiqettin uzaq hemde peqet rim terepningla qarashlirini ekis ettüridighan bu we buninggha oxshash bayanatlarning türkiyege nisbeten héchqandaq qimmiti we inawiti yoqliqini tekitlidi.

tanju bilgich ezalar hemkaliqi we ret qilish endishisini bahane qilip otturigha qoyulghan yawropa ittipaqining bu bir tereplime pozitsiyesining her qandaq mesilining hel qilinishigha qilchilik töhpe qoshalmaydighanliqini tekitlep, yépiq marash heqqide yawropa ittipaqi namidin élan qilinghan bayanatni eyibleydighanliqini bildürdi.

tanju bilgich türkiyening qibris mesilisining hel qilinishi we marashning échilishi toghrisida shimaliy qibris türk jumhuriyiti dairilirining teklipliri we qararlirini toluq qollaydighanliqini tekitlep, yene mundaq dédi:

«marash teshebbusi shimaliy qibris türk jumhuriyiti hökümiti maqullighan qarardur, yawropa ittipaqi 2004-yilidiki annan pilanidin kéyin, qibris türk xelqige bergen wedisige emel qilishi shundaqla shimaliy qibris türk jumhuriyitini söhbetleshküchi terep qatarida körüshni öginishi lazim»