erdoghan apet rayonlirini közdin kechürdi

jumhur reis rejep tayyip erdoghan artwin we rize wilayetliride su apiti éghir talapet yetküzgen rayonlarni közdin kechürdi.

1679177
erdoghan apet rayonlirini közdin kechürdi

türkiye awazi radiyosi xewiri: rize wilayitining güneysu nahiyeside jüme namizidin kéyin xelqqe xitab qilghan jumhur reis rejep tayyip erdoghan, su apitide 6 puqraning hayatidin ayrilghanliqini, 5 puqraning yarilanghanliqini, yoqap ketken 2 kishining tépilishi üchün izdesh – qutquzush paaliyetlirining izchil dawamlashiwatqanliqini éytti.

su apitide hayatidin ayrilghanlargha allah taaladin rehmet, ularning aile tawabiatliri we yéqin – yoruqlirigha sewr - taqet tiligen jumhur reis erdoghan, talapetke uchrighuchilardin yene bir qétim hal soridi.

apet xewiri tarqalghandin tartip hazirghiche döletning pütkül imkaniyetlirini seperwer qiliwatqanliqini éytqan jumhur reis erdoghan, rize wilayitide 328 izdesh – qutquzush xadimini öz ichige alghan jemiy 2 ming 860 xadim bilen 705 mashinining wezipe ötewatqanliqini, apet sewebidin taqalghan 426 yolning hemmisining échilghanliqini, ichimlik süyi, énérgiye we xewerlishishte héchqandaq qiyinchiliqning otturigha chiqmighanliqini qeyt qildi.

su apitide talapetke uchrighanlargha tégishlik yardemlerning bérilishke bashlanghanliqini eskertken jumhur reis erdoghan, deslepki qedemde rize wilayiti miqyasida 15 – iyul küni yüz bergen su apitide talapetke uchrighuchilar üchün 550 turalghu berpa qilidighanliqlirini tekitlep mundaq dédi: «su apitide talapetke uchrighan rizelik we artwinlik qérindashlirimiz xatirjem bolsun, dölitimiz barliq imkaniyetliri bilen birlikte ularning yénida.»

jumhur reis erdoghan, rize wilayitige yétip bérishtin burun, su apitidin kéyin ishliniwatqan xizmetler heqqide, qatnash we qurulush ishliri ministiri adil qaraismailoghlidin uchur igiligenidi.



مۇناسىۋەتلىك خەۋەرلەر