türkiye kéniyede yétim balilargha kiyim-kéchek iane qildi
türkiye 15-iyul shehidlirini xatirilesh üchün kéniyede yashaydighan 251 yétim baligha kiyim-kéchek iane qildi.
1675024
türkiye awazi radiyosi xewiri: kiyim-kéchek yardimi türkiyening nayrobida turushluq bash elchixanisi teripidin yetküzüldi.
türkiyening nayrobida turushluq bash elchisi ehmet jemil miroghlu paytext nayrobidiki yétim-yésirlarni ziyaret qilip, balilargha kiyim-kéchek we ayagh tarqitip berdi.
bash elchi miroghlu ikki yétim balilar baghchisida jemiy 251 baligha kiyim-kéchek we ayagh tarqitip bergenlikini éytti.
türkiyediki ammiwiy yardem teshkilatlirining uzundin buyan yétim balilargha yardem qilip kéliwatqanliqini tilgha alghan bash elchi miroghlu, türkiyening charisiz insanlargha yardem qilishni dawamlashturidighanliqini bildürdi.