erdoghan: «istanbul qanili» layihesi 6 yilda tamamlinidu
jumhur reis rejep tayyip erdoghan nishanlirining «istanbul qanili» layihesini 6 yil ichide tamamlap xizmetke sunush ikenlikini éytti.
türkiye awazi radiyosi xewiri: jumhur reis, adalet we tereqqiyat partiyesi rehbiri rejep tayyip erdoghan, partiyesining türkiye büyük millet mejlisidiki guruppa yighinida qilghan sözide, türkiyeni uda 19 yildin buyan muhim layihelerni ishqa kirishtürüsh we xelqke xizmet ishlesh siyasitini chiqish nuqta qilghan halda bashqurup kéliwatqanliqlirini, istanbulgha qazandurghan 3 ayrodurum, döletlik téz süretlik yollar, köwrükler we sheher doxturxanilirining buning eng roshen namayendisi ikenlikini qeyt qildi.
éksport sahesini her ay yéngi rékortlar arqiliq algha siljitqanliqlirini, sanaetni tereqqiy qildurghanliqlirini, dölet mudapiesi sanaiti saheside döletni markigha aylandurghanliqlirini eskertken jumhur reis erdoghan, türkiyening «istanbul qanili» layihesigimu oxshash shekilde érishidighanliqini tekitlep mundaq dédi: «dunya boyiche eng chong sheherlerdin biri bolghan istanbul shehirining déngiz boghuzi qatnishi we yer tewresh apitige teyyarliq qilish xizmetliri qatarliq mesililirige hel qilish charisi tépishta zor töhpe qoshidighan bu layiheni, sheherning kélechikini qutquzidighan muhim layihe dep qaraymiz. biz bu yerde peqet bir qanal berpa qilish bilenla cheklinip qalmastin, yene, istanbulgha, dölitimizge, porti bilen éksport sahemizni, hayatliq saheliri bilen xelqimizni erkin nepes alduridighan yéngi bir nepeslinish turubisini échiwatimiz. nishanimiz bu layiheni 6 yil ichide tamamlap xizmetke sunushtur. türkiyege uda 19 yildin buyan qazanduruwatqan layihelirimiz we xizmetlirimizni bu alemshumul layihemiz arqiliq tajlanduralaydighanliqimizgha ishinimiz.»
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.