aqar: türkiye térrorizmgha qarshi küreshte yalghuz tashlap qoyuldi

türkiye awazi radiyosi xewiri: dölet mudapie ministiri xulusi aqar bilen bash ishtab bashliqi général yashar güler, xelqara herbiy teshkilat salahiyitige érishken déngiz bixeterliki munewwer qomandanliq ishtabining échilish murasimigha qatnashti.

aqar, bu yerde qilghan sözide, türkiyening shimaliy atlantik ehdi teshkilatidiki ittipaqdashlirining, dunyaning köpligen rayonlirida térrorluq teshkilatlirigha qarshi keskin küresh qilghan bolushigha qarimay, enqerening bölgünchi térrorluq teshkilati p k k/y p g ge qarshi kürishide oxshash pozitsiyeni namayen qilalmighanliqini éytti, hemde türkiyening milliy bixeterliki we rayonluq muqimliqqa tehdit séliwatqan bölgünchi térrorluq teshkilati p k k/y p g we daésh térrorluq teshkilatlirining süriyening shimalidiki paaliyetlirige qarshi, birlikte küresh qilish üchün ittipaqdashlirigha san – sanaqsiz qétim chaqiriqta bolghanliqlirini tekitlep mundaq dédi: «san – sanaqsiz  qétim ittipaqdashlirimizgha süriyede bixeter rayon shekillendürüsh teklipi sunduq we birlikte bir qisim pilanlar üstide pütüshtuq. némishqikin, bu ortaq tonushlirimiz ishqa ashurulmidi we türkiye térrorizmgha qarshi küresh yalghuz tashlap qoyuldi.»

türkiyening süriye xelqining derd – elemlirige xatime bérish üchün eng éghir yükni zimmisige yükligen shimaliy atlantik ehdi teshkilatigha eza dölet, türkiye armiyesiningmu daéshqa qarshi mürini mürige térep küresh qilghan yégane nato armiyesi ikenlikini eskertken aqar, mundaq dep körsetti: «bizning kütidighanlirimiz, térrorizmgha qarshi küresh mesiliside ittipaqdashlirimizning biz bilen birlikte ortaq heriket qilishliri, türkiyening jiddiy bixeterlik endishilirige birlikte chare izdeshliri we yénimizda bolushliridur. barliq qoshnilirimizning chégralirigha, zémin pütünlükige we igilik hoquqigha hörmet qilimiz, hékimning heq – hoquqlirida, zéminida közimiz yoqtur, kürishimizning nishani térrorizmdur, térrorchilardur.»