erdoghan: türkiye – ezerbeyjan otturisida keng dairilik kélishim layihesi imzalinidu
jumhur reis rejep tayyip erdoghan kéler hepte türkiye bilen ezerbeyjan otturisida keng dairilik bir kélishim layihesining imzalinidighanliqini uqturdi.
türkiye awazi radiyosi xewiri: jumhur reis erdoghan, istanbulda jame échilishidin kéyin élan qilghan bayanatida, 14 - iyun küni bélgiyening paytexti biryussélda chaqirilidighan shimaliy atlantik ehdi teshkilati bashliqlar yighini we ikki tereplik uchrishishlardin kéyin, ezerbeyjanda ziyarette bolidighanliqini éytti.
aldi bilen fuzulini ziyaret qilidighanliqini eskertken jumhur reis erdoghan, kéyinche ezerbeyjan pirézidénti ilham eliyéw bilen shushada uchrishidighanliqini we ikki dölet otturisida keng dairilik bir kélishim layihesining imzalinidighanliqini qeyt qildi.
erméniye kömüp qoyghan minalar mesilisi toghriliqmu toxtalghan jumhur reis erdoghan, mundaq dep körsetti: «bolupmu mina mesiliside biz alaqidar tereplerge, <kélinglar, bu heqte kéreklik yardemde bolunglar, aldi bilen biz bu mesilini hel qilayli> deymiz.»
