erdoghan: mangqurtlardin qanchilik qutulalisaq, kelgüsige shunchilik ishench bilen nezer salalaymiz

türkiye awazi radiyosi xewiri: jumhur reis erdoghan bilen qirghizistan jumhuriyiti pirézidénti sadir japarow beshtepe xelq qurultay we medeniyet merkizide ötküzülgen 4- qétimliq chinggiz aytmatof xelqara issiq köl munbiri yighinining yépilish pirogrammisigha qatnashti.

erdoghan yighindiki sözide, yiltizi nahayiti qedimki chaghlargha tutishidighan qirghizlarning dunya edebiyatigha qoshqan tengdashsiz ikki özgiche göhiri barliqini bayan qilip: «bularning birinchisi, dunyaning eng uzun tékisti bolush alahidilikige ige manas dastani we dastanning qehrimani manastur. ikkinchi göher bolsa, chinggiz aytmatoftur. merhum aytmatof eserliri arqiliq dunya edebiyatining yazghuchiliri arisidiki ornini alghan bolsa, qilghan bashqa xizmetliri arqiliq qirghizistanning zamanimizdiki milliy qehrimanigha aylandi. aytmatofni pütkül dunyaning, elwette aldi bilen özimizning eng muhim ortaq bayliqi dep qaraymiz» dédi.

köp tereplimilikke ige pikir, edebiyat we diplomatiye erbabi bolghan aytmatofning hem dunya edebiyati hemde siyasiy tarixqa qoshqan kishini heyran qalduridighan uqumlirining birining «mangqurtluq» ikenlikini bayan qilghan erdoghan, sözini dawamlashturup: «insanning özi, ailisi, jemiyiti, milliti, tarixi, medeniyiti, qisqisi ilgiri ige we mensup bolghan barliq nersilerdin yatlishishi, hetta ular bilen düshmenlishishi dégen uqumni ipadileydighan <mangqurt>, eslide qulluq démektur. biz uning <esirge tengdash bir kün> namliq romanida ishletken <mangqurt> uqumini we buni ipadilesh üchün bayan qilghan weqeni bizmu her qétim uni séghinish ichide esligen halda ishlitip kelmektimiz. jughrapiyemizni mangqurtlardin qanchilik qutulduralisaq, kelgüsige shunchilik ishench bilen nezer salalaydighanlimizgha , nishanlirimizgha tézla yéqinlishalaydighanliqimizgha ishinimiz» dégenlerni qeyt qildi.