chawushoghlu nato tashqi ishlar ministirliri yighinigha qatnashti

türkiye awazi radiyosi xewiri: shimaliy atlantik ehdi teshkilati tashqi ishlar ministirlirining widéo konférans wasitisi arqiliq chaqirilghan yighinida, 14 – iyun küni ötküzülidighan shimaliy atlantik ehdi teshkilati bashliqlar yighinigha teyyarliq xizmetliri we yighinda qobul qilinishi pilanliniwatqan «nato 2030 qararliri» ni öz ichige alghan, yawropa – atlantik rayonining bixeterlikige munasiwetlik özgirishler we shimaliy atlantik ehdi teshkilatining küntertipidiki bashqa mesililer muzakire qilindi.

ministir chawushoghlu, «nato 2030 qararliri» dairiside shimaliy atlantik ehdi teshkilati bash katipi stolténbérgning tirishchanliqlirini qollaydighanliqlirini eskertish bilen bir waqitta, bu qararlarning natoning we transanatlantik munasiwetlirining künimizdiki istiratégiyelik muhit astidimu küchke ige ikenlikige we téximu küchlendürilidighanliqigha ishinidighanliqini tekitlidi.

u yene, shimaliy atlantik ehdi teshkilati bash katipi stolténbérgning, natoning afghanistanning kélechikige dair roligha munasiwetlik qarashlirini qollaydighanliqlirinimu sözlirige ilawe qildi.