niyu yorkta «shéhit diplomatlarni xatirilesh körgezmisi» échildi

türkiye awazi radiyosi xewiri: chawushoghlu, niyu york shehiride ermeni térrorluq teshkilatliri shéhit qilghan türk diplomatlarni xatirilesh munasiwiti bilen ötküzülgen  «shéhit diplomatlar körgezmisi»  ning échilishida qilghan sözide, jumhur reislik mehkimisi uchur – alaqe ishliri idarisigha, jumhur reislik mehkimisi uchur - alaqe ishliri idarisining bashliqi fahrettin altungha, los ajélés, washington we niyu yorkta bu körgezmini ötküzgenliki üchün rehmet éytti.

1973 – we 1984 – yilliri asala we jsag qatarliq ermeni térrorluq teshkilatlirining hujumliri netijiside 3 i diplomat bolup, jemiy 58 türkiye puqrasining shéhit bolup ketkenlikini eskertken chawushoghlu, mundaq dédi: «eziz shéhitlirimizni bu munasiwet bilen yene bir qétim chongqur hörmet we iptixarliq tuyghusi ichide yad étimiz, barliq shéhitlirimizgha layiq bolushqa tirishiwatimiz.»

u, körgezmining nahayiti zor ehmiyetke ige ikenlikini tekitlep mundaq dédi: «bolupmu 1915 – yilqi weqeler xelqchil siyasiy meqsetler bilen burmiliniwatqan bir peytte, bu körgezmiler, amérika jamaetchilikini heqiqiy melumatlar bilen teminlesh mesiliside muhim töhpilerni qoshuwatidu, dep oylaymen. 1915 – yilqi weqelerni <irqiy qirghinchiliq> dep siyasiy xelqchil meqsetlerning türtkiside burmilawatqan siyasiyonlarningmu heqiqetlerni körüshini ümid qilimen. xelqara qanun we kishilik hoquq nutuqliri bilen hakimiyet béshigha chiqqan zatlarning özlirining ashu nutuqlirigha zit söz - heriketlerni qiliwatqanliqini körüwatimiz.»

chawushoghlu, 1982 – yili los anjélésta bash konsul kemal arikanni shéhit qilghan hamping sasunyan isimlik ermeni térrorchining qoyup bérilgenlikini tenqid qilip, mundaq dédi: «bir tereptin, kishilik hoquq, qanunning üstünlüki we térrorizmgha qarshi küresh, déyiliwatidu, yene bir tereptin, sasunyan isimlik térrorchi jaza mudditi toshmastin qoyup bériliwatidu.»

u yene, niyu yorkta, qurulushi tamamlinish aldida turuwatqan yéngi türk öyidimu xizmetlerni közdin kechürdi.