ikki térrorchi bir terep qilindi
süriyening tel rifet shehiridin zeytun shéxi rayonigha hujum qilishqa urunghan bölgünchi térrorluq teshkilati p k k/y p g ezasi ikki térrorchi bir terep qilindi.
türkiye awazi radiyosi xewiri: türkiye dölet mudapie ministirliqining ammiwi ortaqlishish tor bétidiki sehipiside bu heqte élan qilinghan bayanatida, mundaq déyildi: «qandaq bolushidin qetiynezer, térrorizmgha orun yoqtur. qehriman alahide qisimlirimiz, tel rifet shehiridin zeytun shéxi rayonigha hujum qilishqa urunghan bölgünchi térrorluq teshkilati p k k/y p g ezasi ikki térrorchini bir terep qildi. térrorchilarning minamiyotliri, minamiyot baziliri we uwilirimu yer bilen yeksan qiliwétildi.»
yene bir tereptin, bölgünchi térrorluq teshkilati p k k din qachqan yene 3 térrorchi qayil qilish wasitisi arqiliq teslim boldi.
türkiye ichki ishlar ishlar ministirliqining bildürüshiche, ministirliq qarmiqida qoralliq saqchi qisim qomandanliq bash ishtabi bilen jamaet xewpsizliki bash idarisi teripidin élip bériliwatqan qayil qilish paaliyetliri netijiside, bölgünchi térrorluq teshkilati p k k din qachqan yene 3 térrorchi, bügün türkiyege kirip, dölet xewpsizlik küchlirige teslim bolghan.
2005 – 2015 – yilliri bölgünchi térrorluq teshkilati p k k ning sépige qétilghanliqi, süriye we iraqta paaliyet élip barghanliqi éniqlap chiqilghan bu 3 térrorchi bilen birlikte, bu yil qayil qilish paaliyetliri netijiside teslim bolghan térrorchilarning sani 71 ge yetken.
