aghar: térrorchi sofi nurettinning ujuqturulushi amérikaning rayondiki oyunini buzdi
bölgünchi térrorluq teshkilati p k k ning süriye mesuli sofi nurettinning ujuqturulushigha yéqinqi yillarning eng hel qilghuch zerbe bérish heriketlirining biri dep baha bérilmekte.
1641475
türkiye awazi radiyosi xewiri: térror we xewpsizlik mesililiri mutexessisi abdullah aghar, türkiyening bu qedimining amérika qoshma ishtatlirining rayondiki oyunini qandaq bitchit qilip tashlighanliqini analiz qildi.
«sofi nurettin, amérika qoshma ishtatliri <térrorluq teshkilati emes> dégen p y d – y p g ning süriye mesuli idi» dégen aghar, «biraq, türkiye bu heriketni iraqta élip bardi. bashqiche éytqanda, p k k toluq hökümran boluwatqan orunda élip bardi. hetta zerbe bérish herikiti élip bériliwatqan esnada térrorchi sofi nurettin p k k ning rayondiki eng muhim rehbiri hésablinatti. gara we uning etrapidiki jaylar uninggha qarashliq idi» dégenlerni qeyt qildi.
u: «amérika qoshma ishtatliri p k k din perqliq dep qarawatqan bir teshkilatning birinchi nomurluq adimini, p k k ning (iraqning shimalidiki) saheside, p k k ezalirigha rehberlik qiliwatqan peytte bir terep qilduq. bu intayin hel qilghuch bir qedem. amérika qoshma ishtatlirining rayondiki tiyaritini astin – üstün qiliwétidighan bir qedem» dédi.
abdullah aghar yene, mezkur zerbe bérish herikitining yalghuz p k k ghila emes, amérika qoshma ishtatlirini öz ichige alghan rayondiki bashqa aktiyorlargha we emeliy meydandiki oxshash bolmighan térrorluq teshkilatlirighimu roshen uchurlarni bergenlikini sözlirige ilawe qildi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.