idlibta bir esker shéhit boldi

türkiye awazi radiyosi xewiri: türkiye jumhuriyiti dölet mudapie ministirliqi bayanat élan qilip, tünügün bahar qalqini herbiy herikiti rayonidiki arqa sep aptomobillirining rakitamyotluq hujumgha uchrighanliqini, weqede bir eskerning shéhit bolghanliqi, töt eskerning yarilanghanliqini؛ yaridar eskerlerning derhal doxturxanilarda balnistqa élinghanliqini uqturdi.

weqedin kéyin türkiye büyük millet mejlisi (parlaménti) bashliqi mustapa shentop, jumhur reis yardemchisi fuat oqtay we jumhur reislik mehkimisi uchur – alaqe ishliri idarisi bashliqi fahrettin altun qatarliq yuqiri derijilik rehberler ayrim – ayrim bayanat élan qilip, mezkur térrorluq hujumini eyiblidi we shéhitlerge meghpiret, yaridar eskerlerge shipaliq tilidi hemde türk xelqige teziye bildürdi.