türkiye kabuldiki bir mektep aldida yüz bergen térrorluq hujumini qattiq eyiblidi

türkiye awazi radiyosi xewiri:  türkiye tashqi ishlar ministirliqining yazma bayanatida, paytext kabulgha qarashliq deshti berchi rayonida bügün mektep aldida aptomobil bomba bilen élip bérilghan térorluq hujumida oqughuchilarnimu öz ichige alghan az dégende 30 puqraning hayatidin ayrilghanliqi we 50 din artuq kishining yarilanghanliqigha dair xewerni nahayiti qayghurush ichide tapshurup alghanliqi bildürüldi,

bayanatta, « mubarek qedir kéchisi künide yüz bergen bu insan qélipidin chiqqan térorluq hujumini qattiq eyibleymiz, sadir qilghuchilarni lenetleymiz we ularning adalet aldida jawabkarliqqa tartilishini ümid qilimiz» déyildi.

bayanatta yene, yirginchlik hujumda hayatidin ayrilghanlargha allahtin rehmet we yarilanghanlargha shipaliq tilesh bilen birge, dost, qérindash afghanistan xelqi we hökümitige türkiyening chongqur teziyesi bildürüldi.