türkiyening waksinisi dunya sehiye teshkilatining tizimlikide

türkiye awazi radiyosi xewiri: türkiye ilmiy we téxnologiyelik tetqiqat orginining bashliqi piroféssor doktor hesen mandal, gebzede élan qilghan bayanatida, türk alimlarning «kowid – 19» yuqumigha qarshi yéngiliqchi aktipsiz waksinisiningmu dunya sehiye teshkilatining tizimlikige kirgüzülgenlikini bildürdi.

waksina tetqiq qilip yasash mesiliside türkiyede muhim xizmetlerning ishliniwatqanliqini eskertken mandal, 7 waksina tetqiqatidin ikkisining nöwette tamamlinish aldida turuwatqanliqini, birining pat arida birinchi basquch dairiside emlinishke bashlinidighanliqini, wirusqa oxshash zerrichiler (VLP) ni asas qilghan waksinining dunya sehiye teshkilatining tizimlikige kirgüzülgenlikini tekitlep mundaq dédi: «ötken yekshenbe künimu 2 – waksinimiz, yeni yéngiliqchi aktipsiz waksinimizmu nöwette  dunya sehiye teshkilatining tizimlikige kirgüzüldi, bu nahayiti muhim. dunyada köpligen waksinilar tetqiq qilip yasalmaqta, emma dunya sehiye teshkilatining tizimlikige kirgüzülgini yoq, chünki bu waksinilarda yéterlik éniqliqtin eser yoq. biz waksinimizni dunyaghimu échiwatimiz. biz shundaq deymizki, bizning waksinilirimiz yéngiliqchi bolup, dunya sehiye teshkilatining tizimlikidin orun élish alahidilikige ige.»