türkiye afghanistanda 600 ailige yémek - ichmek yardem qildi

türkiye awazi radiyosi xewiri: yémek - ichmek bolaqlirining tarqitilishi munasiwiti bilen mazar sherif wilayitining andhoy nahiyeside ötküzülgen murasimgha,  andhoy nahiyelik jamaet xewpsizliki bash idarisining bashliqi hebibullah sadat, wilayetlik kéngesh ishliri wekili enise téhyénch, tereqqiyat kéngesh ishliri mesulliri we andhoy nahiyesi hakimi sultan senjer qatarliqlar ishtirak qildi.

hakim senjer, murasimda qilghan sözide, afghanistan xelqige yardem qilghanliqi üchün, türkiye we türkiye hemkarliq we maslashturush idarisigha minnetdarliq bildürdi, hemde bu yardemlerning her bir ailining bir ayliq éhtiyajini qamdaydighanliqini qeyt qildi.

türkiye hemkarliq we maslashturush idarisi, ramizan éyi dairiside ishqa kirishtürgen insanperwerlik yardem buyumlirini döletning shimalidiki 9 wilayetke yetküzüp berdi.

shuning bilen, ramizan éyining deslepki künidin buyan, 148 tonna yémek - ichmek yardimi, türkiye hemkarliq we maslashturush idarisi teripidin afghanistanning shimalidiki éhtiyajliq aililerge yetküzüp bérilgen boldi.

ramizan éyi pirogrammisi yémek - ichmek bolaqliri, 50 kilogiram un, 10 kilogiram gürüch, 5 létir may,  purchaq, chay, shéker,  pemidur qiyami we tuz qatarliq yémek - ichmek matériyalliridin teshkil tapidu.