shimaliy iraqtiki zerbe bérish heriketliride 70 térrorchi bir terep qilindi

türkiye awazi radiyosi xewiri: türkiye jumhuriyiti dölet mudapie ministirliqi «térrorchilar qéchip qutulalmaydu» dégen bayanat élan qilip, zerbe bérish herikiti jeryanida orni éniqlanghan bölgünchi térrorluq teshkilati p k k  ezasi yene ikki térrorchining qoralliq uchquchisiz hawa apparati arqiliq bir terep qilinghanliqini, shuning bilen, shimaliy iraqtiki bu qétimliq zerbe bérish herikiti jeryanida ujuqturulghan jemiy térrorchi sanining 70 ke yetkenlikini uqturdi.

türkiye armiyesining, iraqning shimalidiki rayonlardin kélip türkiyening chégra rayonlardiki herbiy bazilirigha hujum qilish weqelirige xatime bérish meqsitide 23 – aprél bashlighan «penche – chaqmaq» we «penche – güldürmama» namliq herbiy heriketliri utuqluq dawam qilmaqta.

yene bir tereptin, ichki ishlar ministirliqi, türkiye ichidiki zerbe bérish heriketliri dairiside aghri, ighdir, qars we ardahanda 2165 xewpsizlik xadimining ishtirak qilishi bilen «eren -16 aghri téghi – chemche madur zerbe bérish herikiti» élip bérishni bashlidi.