shimaliy iraqta nurghun térrorchi bir terep qilindi
iraqning shimalidiki metina rayonida élip bérilghan hawa hujumi dawamida bölgünchi térrorluq teshkilati p k k mensubi 9 térrorchi bir terep qilindi.
türkiye awazi radiyosi xewiri: türkiye dölet mudapie ministirliqining ammiwi ortaqlishish tor béti Twitter sehipiside, bu heqte élan qilinghan bayanatta mundaq déyildi: « térrorchilarning uwilirini yer bilen yeksan qilishni dawamlashturuwatimiz, iraqning shimalidiki metina rayonida, charlash we közitish wasitiliri arqiliq éniqlap chiqilghan bölgünchi térrorluq teshkilati p k k mensubi 9 térrorchi, hawa armiyemizning muweppeqiyetlik hawa hujumi netijiside bir terep qilindi. térrorchilargha qarshi herbiy heriketlirimiz qetiy irade bilen izchil dawamlishidu.»
yene bir tereptin, bitlis wilayitining tatwan nahiyeside, bölgünchi térrorluq teshkilati p k k/k j k gha qaritilghan herbiy heriket dawamida, bir iskilattin 500 giram TNT qélipi we turmush buyumliri qolgha chüshürüldi.
waliy mehkimisining bildürüshiche, tatwan jumhuriyet bash teptish mehkimisining yolyoruqigha asasen, delil – ispat xaraktérlik matériyallar mudapie astigha élinghan, bashqa matériyallar bolsa öz jayda bir terep qilinghan, iskilat yer bilen yeksan qiliwétilgen.
