mewlut chawushoghlu misir bilen bolghan munasiwetler üstide toxtaldi
tashqi ishlar ministiri mewlut chawushoghlu misir bilen yéngi mezgilde öz-ara ziyaretlerning bolushi mumkinlikini éytti.
türkiye awazi radiyosi xewiri: tashqi ishlar ministiri mewlut chawushoghlu paytext enqerede muxbirlargha kün tertipke alaqidar bayanat élan qildi.
mewlut chawushoghlu, misir bilen bolghan munasiwetler üstide toxtilip, «yéngi mezgilde öz-ara ziyaretler we muzakirilermu bolushi mumkin» dédi.
mewlut chawushoghlu ikki dölet otturisida muawin tashqi ishlar ministirliri sewiyeside yighin ötküzülidighanliqini élan qilip,, pilanlashning dawamlishiwatqanliqini we waqtining téxi éniq emeslikini éytti.
mewlut chawushoghlu misirgha bash elchi teyinlesh mesilisining téxi muzakire qilinmighanliqini tilgha élip, bu mesilining muawin ministirlar sewiyeside ötküzülidighan yighinda kün tertipke élip kélinishi mumkinlikini eskertti.
mewlut chawushoghlu girétsiye tashqi ishlar ministiri nikos déndiyasning enqere ziyariti heqqide toxtilip, ziyaretning bir kün kéchiktürülgenlikini éytti.
mewlut chawushoghlu bélgiyening paytexti biryussélda bügün shimaliy atlantik ehdi teshkilati kéngishi yighini ötküzülidighanliqini we bu heqte déndiyas bilen téléfonda körüshkenlikini, déndiyasning enqere ziyaritining ete élip bérilidighanliqini bayan qildi.
