türkiye mashina adem téxnikisi arqiliq börek köchürüsh opératsiyeside aldinqi orungha ötti
dunyaning nurghun döletliridin bimarlar mashina adem téxnikisi arqiliq börek köchürüsh opératsiyesi üchün türkiyege kelmekte.
türkiye awazi radiyosi xewiri: kowid – 19 yuqumining deslepki basquchida shekillengen qorqunch, eza köchürüshke tesir körsetken bolup, opératsiyeler %50 azayghan we organ iane qilish nisbitimu töwenligen idi.
gerche deslepki mezgillerde opératsiye qilghili bolmisimu, emma bu ehwal iyul éyidin kéyin özgerdi. bolupmu bu mezgilde mashina adem téxnikisi arqiliq élip bérilghan börek köchürüsh opératsiyesi köpeydi.
yuqum mezgilide balqan döletliri, ottura sherq, rusiye we gérmaniye qatarliq döletlerdin kelgen nurghun bimarlar bu opératsiye üchün türkiyeni tallidi.
yuqum mezgilide kishiler téz eslige kélish üchün yépiq usul hésablinidighan mashina adem opératsiyesini tallimaqta.
türkiye sehiye mulazimetliride ishench, süpet we baha jehettin üstünlükke ige bolghanliqi üchün téximu bek tallinidighan döletke aylanmaqta.
