erdoghan: bezi küchler rezil meqsitige esla yételmeydu
jumhur reis rejep tayyip erdoghan bezi küchlerning térrorizmdin herbiy – siyasiy özgirishke qeder her xil yollarni sinighanliqini, emma türk millitimizni tiz püktürelmigenlikini we buningdin kéyinmu rezil meqsetlirige esla yételmeydighanliqini éytti.
türkiye awazi radiyosi xewiri: jumhur reis rejep tayyip erdoghan paytext enqerede jumhur reislik mehkimisi binasida ötküzülgen dölet sherep ordéni murasimigha qatnashti we bu yerde qilghan sözide, térrorizmgha qarshi küreshning ehmiyitini tekitlep mundaq dédi: «biz bu küreshte azraq boshangliq qilghan küni, bezi küchler <séwrés kélishimi> dinmu better bsimlar bilen aldimizgha chiqidu. her bir shéhidimiz, her bir ghazimiz, musteqilliqimizning we kélechikimizning simwoli bolghan möhürdur. selchuqiylar dölitimu, osmanli impériyesimu tashqi küchlerning hujumliridinmu köre ichki jehettin bölünüsh sewebidin yimirilgendur. téxi 100 – yilighimu qedem qoymighan bügünki kündiki dölitimizning oxshash aqiwetke qélishigha esla yol qoymaymiz.»
türkiyening küchlük bolush mejburiyiti barliqini eskertken jumhur reis erdoghan, buning menbesining bolsa, türk millitining birlik we barawerliki hem qérindashliqi ikenlikini qeyt qildi.
nutiqida, bügün «chanaqqele zepiri» ning 106 – yilliqi ikenlikini eskertken jumhur reis erdoghan, mundaq dep körsetti: «chanaqqelede bir hilal üchün qanchilighan quyashlirimiz (yashlirimiz) din ayrilip qalduq, emma buning bedilige musteqilliqimiz we istiqbalimizni qutquzup qalduq, chanaqqele urushliri musteqilliq kürishimizning ötüsh éghizi bolush jehettin özgiche alahidilikke ige. chanaqqelede ashu tarixiy zeper qolgha keltürülmigen bolsa idi, nahayiti chong palaketke duch kelgen bolattuq.»
