süleyman soylu 26 térrorluq herikitining aldi élinghanliqini bildürdi

türkiye awazi radiyosi xewiri: ichki ishlar ministiri süleyman soylu 18-mart shéhitlirini xatirilesh küni we chanaqqele zepirining 106-yilliqi munasiwiti bilen paytext enqerede échilghan yighingha qatniship söz qildi.

u 40 yildin buyan küresh qiliniwatqan térrorluq teshkilati p k k ning tarixidiki eng chong chet el yardimige érishken mezgilni bashtin kechürüwatqan bolsimu, dölet ichidiki térrorist sanining 300 ning astigha chüshkenlikini éytti.

u teslim bolghan térroristlar sanining, térrorluq teshkilatigha qatnashqanlar sanining besh hessige toghra kélidighanliqini bildürüp: «barliq herbiy heriketlirimizde yil béshidin tartip bügüngiche 121 térroristni bir terep qilduq. yene yil béshidin tartip bügüngiche 26 térrorluq herikitining aldini alduq. hetta birsini bügün (2021-yili18-mart) etigen aldini alduq» dédi.